पीएम मोदींनी अल्मोडा बस दुर्घटनेबद्दल व्यक्त केले दुःख, मृतांच्या कुटुंबीयांना प्रत्येकी दोन लाख रुपयांची मदत जाहीर

पंतप्रधान नरेंद्र मोदी यांनी उत्तराखंडमधील अल्मोडा येथे झालेल्या रस्ते अपघातावर दुःख व्यक्त केले असून यासोबतच पंतप्रधान नरेंद्र मोदी यांनी अपघातात मृत्युमुखी पडलेल्यांच्या कुटुंबीयांना प्रत्येकी 2 लाख रुपये आणि जखमींना 50 हजार रुपयांची मदत जाहीर केली आहे.

मिळालेल्या माहितीनुसार अल्मोडा येथे झालेल्या भीषण बस दुर्घटनेबद्दल शोक व्यक्त करताना पंतप्रधान नरेंद्र मोदी म्हणाले की, "उत्तराखंडमधील अल्मोडा येथे झालेल्या रस्ते अपघातात ज्यांनी आपल्या प्रियजनांना गमावले त्यांच्याप्रती मी शोक व्यक्त करतो. यासोबतच सर्व जखमी लवकरात लवकर बरे व्हावेत अशी माझी इच्छा आहे." स्थानिक प्रशासन मदत आणि बचावासाठी सर्वतोपरी प्रयत्न करत आहे.तसेच पंतप्रधानांनी रस्ते अपघातात प्राण गमावलेल्या प्रत्येक मृताच्या कुटुंबीयांना 2 लाख रुपये आणि जखमींना 50 हजार रुपयांची मदत जाहीर केली आहे.

Edited By- Dhanashri Naik