रिझर्व्ह बँकेने जाहीर केलेल्या निर्णयानुसार आता एटीएम मशिन्समधून पैसे काढण्याच्या मर्यादेत वाढ करण्यात आली असून दिवसाला दहा हजार रूपयांची रक्कम काढता येईल.
यापूर्वी ही मर्यादा ४५०० इतकी होती. मात्र एटीएम मशिनमधून आठवड्याला २४ हजार रूपये काढण्याची मर्यादा कायम ठेवण्यात आली आहे. याशिवाय, बँकेच्या चालू खात्यातून रक्कम काढण्याच्या मर्यादेतही वाढ करण्यात आली आहे. यापूर्वी ही मर्यादा ५० हजार इतकी होती, ती आता एक लाख इतकी करण्यात आली आहे.