Srinagar Terrorist Attack: श्रीनगरमध्ये दहशतवादी हल्ला, एक CRPF जवान शहीद, एक जखमी

श्रीनगरमधील लाल चौकात सोमवारी दहशतवाद्यांनी सीआरपीएफवर हल्ला केला. या हल्ल्यात सीआरपीएफचा एक जवान शहीद झाल्याचे सांगण्यात येत आहे. श्रीनगरमधील दहशतवादी हल्ल्यात एक CRPF जवान शहीद झाला आहे, तर एक  जखमी झाला आहे, त्याला SMH रुग्णालयात दाखल करण्यात आले आहे, असे पोलिसांनी सांगितले. हल्ल्याची माहिती मिळताच पोलीस आणि सुरक्षा दलाचे जवान घटनास्थळी पोहोचले. त्यांनी परिसराला वेढा घातला असून दहशतवाद्यांचा शोध घेण्यासाठी मोहीम सुरू केली आहे.

याआधी आज दहशतवाद्यांनी पुलवामा जिल्ह्यात पुन्हा एकदा दोन गैर-स्थानिकांना लक्ष्य केले. पुलवामाच्या लाजोरा येथे दहशतवाद्यांनी दोन जणांना गोळ्या घालून जखमी केले. दोन्ही जखमींना एसएमएच रुग्णालयात दाखल करण्यात आले आहे. दोघेही घाटीबाहेरील रहिवासी असल्याचे सांगण्यात येत आहे. 

तर रविवारी संध्याकाळी, पुलवामा जिल्ह्यातील लिटर परिसरात दहशतवाद्यांनी पोल्ट्री कार्ट घेऊन आलेल्या दोन गैर-काश्मीरींना गोळ्या घालून ठार केले. दोघांना जखमी अवस्थेत रुग्णालयात दाखल करण्यात आले आहे. दोघेही पंजाबमधील पठाणकोटचे रहिवासी आहेत.

घटनेनंतर पोलीस आणि इतर सुरक्षा दलांचे वरिष्ठ अधिकारी घटनास्थळी पोहोचले आणि त्यांनी घटनेची माहिती घेतली. प्रत्यक्षदर्शींची चौकशी केल्यानंतर त्यांना पकडता यावे यासाठी संपूर्ण परिसराला घेराव घालून शोधमोहीम राबविण्यात येत आहे.