लडाखमध्ये भीषण अपघात, बांधकामाधीन पूल कोसळून 4 मजुरांचा मृत्यू

लडाखच्या नुब्रा उपविभागात शनिवारी कोसळलेल्या बांधकामाधीन पुलाच्या ढिगाऱ्यातून चार जवानांचे मृतदेह सापडले आहेत. अधिकाऱ्यांनी रविवारी ही माहिती दिली. ते म्हणाले की लेह जिल्ह्यातील डिस्किट गावाजवळील बांधकामाधीन शत्से तकना पुलाचा एक भाग शनिवारी दुपारी 4 वाजता जोरदार वाऱ्यामुळे कोसळला आणि त्याच्या ढिगाऱ्याखाली सहा मजूर अडकले.

अधिकाऱ्यांनी दिलेल्या माहितीनुसार, घटनास्थळावरून चार मजुरांचे मृतदेह बाहेर काढण्यात आले असून 12 तासांच्या संयुक्त बचाव मोहिमेनंतर इतर दोघांची सुटका करण्यात आली आहे. ते म्हणाले की, वाचवलेले दोन्ही मजूर गंभीर जखमी असून त्यांना रुग्णालयात दाखल करण्यात आले आहे.

अधिकाऱ्यांनी दिलेल्या माहितीनुसार, जम्मू-काश्मीरमधील राजौरी जिल्ह्यातील राज कुमार आणि वरिंदर, छत्तीसगडमधील मनजीत आणि पंजाबमधील लव कुमार अशी मृतांची नावे आहेत. जखमींमध्ये राजौरी येथील कोकी कुमार आणि छत्तीसगड येथील राजकुमार यांचा समावेश असल्याचे त्यांनी सांगितले.

लडाखचे लेफ्टनंट गव्हर्नर आरके माथूर यांनी बचाव कार्याचे निरीक्षण केले. त्यांनी या घटनेच्या चौकशीचे आदेश दिले आहेत.वाचवलेल्या लोकांना लेहला नेण्यासाठी भारतीय हवाई दलाची मदत घेण्यात आली होती.