Navratri 2024 : स्तुती सुमने आई मी,उधळली

स्तुती सुमने  आई मी,उधळली ,

वाहिली श्रद्धे ची ग श्रद्धांजली,

आळविले तुजला प्रेमभरे सर्वदा,

भाकली करुणा  तुझी ग सदा!

पुजली नित्य मी  तुझी पाऊले  ,

गीत तुझ्या साठीच ग गायिले,

आरती ओवाळून धन्य धन्य जाहले,

 अखंड ज्योत लावून नवरात्र मांडले,

खणा नारळा ने ओटी तुझी भरून,

सौभाग्याचे लेणं तुजला देऊन,

पदरी आनंद घेऊन, सहर्षे मी नाचली,

आई जगदंबे , सेवेने तुझ्या भावविभोर गे झाली!!

..अश्विनी थत्ते.