निळूभाऊ मुरलेले कलावंत- अमिताभ

बॉलीवूडचा शहेनशहा अमिताभ बच्चन याने ज्येष्ठ अभिनेते निळू फुले यांच्या निधनाबद्दल दुःख व्यक्त केले आहे. निळूभाऊ अतिशय मुरलेले कलावंत होते. त्याचवेळी अतिशय विनम्र व्यक्ती होते, अशा शब्दांत त्याने त्यांच्याविषयीच्या भावना आपल्या ब्लॉगवर व्यक्त केल्या आहेत.

कुलीमध्ये निळूभाऊंनी अमिताभबरोबर काम केले होते. प्रतिभावंत कलावंत असूनही ते अगदीच साधे होते, याकडे बच्चन यांनी लक्ष वेधले. त्यांच्यासारखी विनम्रता आणि कलेविषयीची तळमळ इतरांकडे फार कमी पहायला मिळते, असेही अमिताभने म्हटले आहे.