मुंबई-पुणे महामार्गावर अपघात, एक जण ठार तर एक गंभीर जखमी

महाराष्ट्रातील पुणे जिल्ह्यात बुधवारी कंटेनर ट्रक उलटून मोठा अपघात झाला. मिळालेल्या माहितीनुसार बुधवारी सकाळी कामशेतजवळ जुन्या पुणे-मुंबई महामार्गावरील घाट विभागात मेटल कॉइल घेऊन जाणाऱ्या कंटेनर ट्रकचे नियंत्रण सुटले आणि तो उलटला. कंटेनर उलटल्यानंतर त्याला आग लागली. या अपघातात कंटेनरच्या क्लिनरचा मृत्यू झाला, तर चालक गंभीर जखमी झाला आहे.

कामशेत पोलिसांनी दिलेल्या माहितीनुसार, मल्हार हॉटेलसमोर हा अपघात झाला असून अपघाताचा बळी ठरलेला कंटेनर मुंबईहून पुण्याकडे जात होता. या अपघातात चालकाच्या पाठीचा कणा भाजला असून त्याला रुग्णालयात दाखल करण्यात आले आहे.  

मिळालेल्या माहितीनुसार घाटातून उतरताना चालकाचे कंटेनरवरील नियंत्रण सुटले, असा पोलिसांचा अंदाज आहे. त्यानंतर कंटेनर दुभाजकावर आदळला आणि चालकाने ब्रेक लावला. त्यामुळे कंटेनर ट्रक पलटी झाला आणि पलटी झाल्यानंतर सुमारे 20-30 फूट रस्त्यावर घसरला, त्यातून बाहेर पडलेल्या ठिणग्यांमुळे आग लागली. अपघाताची माहिती मिळताच पोलीस आणि अग्निशमन दलाच्या तीन गाड्या घटनास्थळी दाखल झाल्या.

Edited By- Dhanashri Naik