पुण्यातील दापोडी येथे हॅरिस पुलाच्या खाली हिट अँड रनच्या प्रकरणात रात्री ड्युटीवर असलेल्या 2 पोलीस कर्मचाऱ्यांना उडवणाऱ्या आरोपीला खडकी पोलिसांनी अटक केली आहे.आरोपीवर वेगाने बेदरकारपणे गाडी चालवून दोन पोलीस कर्मचाऱयांना उडवण्याचा आरोप आहे.
दापोडीत दोन पोलीस कर्मचाऱ्यांच्या दुचाकीला एका स्विफ्ट कार ने समोरून जोरदार धडक दिली या अपघातात एक पोलीस कॉन्स्टेबल मृत्युमुखी झाला. समाधान कोळी असे या मयत पोलीस कर्मचाऱ्याचे नाव आहे.
खडकी पोलीस ठाण्यात बीट मार्शल म्हणून काम करणारे दोन पोलीस कर्मचारी रात्रीची ड्युटी बजावत असताना गस्त घालण्यासाठी दुचाकीवरून निघाले असता समोरून वेगाने येणाऱ्या स्विफ्ट कार ने जोरदार धडक दिली.
या अपघातानंतर कार चालक पळून गेला. सीसीटीव्ही मध्ये पांढरी रंगाची इनोव्हा कार असल्याचे समजले होते. मात्र तपासात स्विफ्ट कार ने धडक दिल्याचे समोर आले. या अपघातात वापरलेली स्विफ्ट गाडीला कार चालकासह पोलिसांनी पुण्यातून अटक केली आहे. आरोपीच्या रक्ताचे नमुने तपासणीसाठी पाठवण्यात आले आहे.
