प्रसिद्ध गरबा किंग अशोक माळी यांचा गरबा मैदानातच मृत्यू, व्हिडीओ व्हायरल

पुण्यातील प्रसिद्ध गरबा किंग अशोक माळी यांचा एक व्हिडिओ सोशल मीडियावर व्हायरल होत आहे. ते गरबा खेळत असताना खाली कोसळतात आणि काही क्षणातच  त्यांचा मृत्यू होतो. पुणे शहरात अशोक माळी गरबा किंग म्हणून ओळखले जात होते. सोमवारी एका कार्यक्रमादरम्यान त्यांना गरबा करताना हृदयविकाराचा झटका आला आणि त्यांचे निधन झाले. ते गरबा करत असताना तिथे उपस्थित काही प्रेक्षक आपल्या मोबाईलमध्ये त्याचे रेकॉर्डिंग करत होते.

पुण्याचे गरबा किंग म्हणून ओळखल्या जाणाऱ्या अशोक माळी यांचा काल रात्री चाकण येथे नवरात्रोत्सवाच्या कार्यक्रमात गरबा खेळत असताना हृदयविकाराच्या झटक्याने मृत्यू झाला.

अशोक माळी मुलासोबत करत होते  गरबा : एका कार्यक्रमात मुलासोबत गरबा डान्स करत असताना ही दुःखद घटना घडली. गेली अनेक वर्षे अशोक माळी प्रशिक्षकाची भूमिका बजावत अनेक तरुणांना आपली कला शिकवत होते. त्यांनी आपल्या कलेने समाजात एक विशेष ओळखही निर्माण केली होती. काल एका कार्यक्रमादरम्यान त्यांना हृदयविकाराचा झटका आला आणि त्यांचा जागीच मृत्यू झाला. या घटनेचा व्हिडिओ सोशल मीडियावर वेगाने व्हायरल होत आहे.

व्हिडिओमध्ये कैद झाला मृत्यू: व्हिडिओमध्ये तुम्ही पाहू शकता की, अशोक माळी एका मुलासोबत गरबा खेळताना मजा घेत आहेत. नाचताना ते खाली जमिनीवर कोसळतात. तिथे उपस्थित असलेल्या लोकांनाही अचानक  काय झाले हे समजू शकले  नाही. गरबा मंडळाच्या कार्यकर्त्यांनी त्यांना तातडीने खासगी रुग्णालयात उपचारासाठी दाखल केले मात्र डॉक्टरांनी त्यांना मृत घोषित केले.

सोशल मीडियात प्रचंड लोकप्रिय : अशोक माळी यांनी सोशल मीडियावर खळबळ उडवून दिली होती, त्यामुळे पुणे शहरात ते गरबा किंग सेन म्हणून ओळखले जात होते. शहरातील वेगवेगळे गरबा ग्रुप अशोकला त्यांच्या कार्यक्रमांसाठी आमंत्रित करायचे. काल अशोक यांना पुण्यातील चाकण भागात गरबा डान्ससाठी बोलावले होते, त्यानंतर ते कार्यक्रमात आपल्या मुलासोबत येथे गरबा डान्स करण्यासाठी आले  होते .

 नवरात्रीच्या काळात आयोजित या कार्यक्रमात उपस्थित लोकांसमोर अशोक आपला मुलगा भावेशसोबत गरबा डान्स करत होते. अशोक माळी हे मूळचे धुळे जिल्ह्यातील सिंदखेडा तालुक्यातील होळे गावचे रहिवासी असून सध्या चाकण, पुणे येथे वास्तव्यास होते.