शाळेत मुलांना गुड टच आणि बॅड टच बद्दल शिकवले जाते. या सत्रादरम्यान पुण्यात एका शाळेत 13 वर्षाच्या अल्पवयीन मुलीने शिक्षकाला जे सांगितले ते धक्कादायक आहे.मुलीने सांगितले की, तिच्या वडील, काका आणि चुलत भावाने तिच्यावर लैंगिक अत्याचार केले. सर्व आरोपीना पोलिसांनी अटक केली आहे.
सदर घटना पुण्यातील हडपसर भागातील आहे. या अल्पवयीन मुलीवर 2023 मध्ये तिच्या चुलत भावाने लैंगिक अत्याचार केले आणि कोणालाही न सांगण्याचा दम दिला. त्यानंतर मुलीच्या काकाने 2024 मध्ये तिच्यावर लैंगिक अत्याचार केला तिने काकाच्या कृत्याचा निषेध केला आणि आरडाओरड केली. काकाने तिचे तोंड बंद केले आणि बेदम मारहाण केली.
शाळेत गुड टच बॅड टचचे सत्र सुरू असताना मुलीने याबाबत शिक्षिकेला सांगितले आणि शिक्षिकेने पोलिसांशी संपर्क साधला.हे प्रकरण उघडकीस आल्यानंतर सर्व आवश्यक प्रोटोकॉल लक्षात घेऊन POCSO कायद्यांतर्गत गुन्हा दाखल करण्यात आला
याप्रकरणी अल्पवयीन मुलीने फिर्याद दिल्याचे पोलिसांनी सांगितले. त्याआधारे हडपसर पोलिसांनी भादंविच्या कलम 376,376 (i), 323, 506 आणि पोक्सो कायद्याच्या कलम 4, 6, 8, 12 अन्वये गुन्हा दाखल केला आहे. पोलिसांनी या प्रकरणी 22 जून रोजी एफआयआर नोंदवून तिघांनाही अटक केली आहे.
सध्या मुलीची आई गावी गेली आहे. ती परत आल्यावर अल्पवयीन मुलीच्या आईचा जबाब पोलीस नोंदवणार आहे. प्रकरणाचा तपास पोलीस करत आहे.
