मुंबईत घरबांधकामांच्या झपाट्यास नियंत्रित करण्यासाठी 'ईको फ्रेंडली' घरे साकारण्यात येणार आहे. निवासी इमारतींचे बांधकाम व पुनर्विकासासाठी मुंबई महानगरपालिकेच्या सहकार्याने हा प्रकल्प राबवण्यात येईल. मात्र योजनेची अंमलबजावणी स्वेच्छेने करण्यात येणार असल्याचे मुख्यमंत्री विलासराव देशमुखांनी विधानसभेत सांगितले.
' ईको हाऊसिंग' प्रकल्पाअंर्तगत इमारतींना एनव्हायरनमेंटल आर्किटेक्चर, पाणी व ऊर्जा बचत, सांडपाणी व्यवस्थापण, सौरऊर्जेचा वापर, पावसाचे पाणी साठवणे, सांडपाणी शुद्धीकरण युनिट, व झाडे लावणे यासारख्या बाबींची पूर्तता करावी लागेल.
यासाठी कायदेशीर सल्ला घेण्यात येत असून विकास शुल्क व मालमत्ता करात विशेष सुट देण्याची तरतूदही करण्यात येईल. बीएमसीने 'ईको फ्रेंडली घरांसाठी' राज्य सरकारला मागील वर्षी प्रस्ताव सादर केला होता. पुणे महानगरपालिकेने ही संकल्पना राबवण्यास अगोदरच सुरूवात केली आहे.