लातूरमध्ये जमावबंदी आदेश लागू

अयोध्या प्रकरणाच्या निकालाच्या पार्श्‍वभूमीवर लातूरमध्ये सुरक्षा व्यवस्था वाढवण्‍यात आली असून, पोलिसांनी शहरात जमावबंदी आदेश लागू केला आहे.

नागरिकांनी शांतता राखावी असे आवाहन पोलिस अधिक्षक सी एच स्टॅलिन व अतिरिक्त पोलिस अधिक्षक शिरिष सरदेशपांडे यांनी केले आहे.

शहरात कोणत्या प्रकरणचे वाद्य वाजवण्‍यास तसेच भगवा, काळा किंवा हिरवा झेंडा बाळगण्‍यास मनाई करण्‍यात आली आहे.

कायदा व सुव्यवस्था राखण्‍यासाठी जिल्ह्यात 8 पो‍लीस उप अधीक्षक, 17 पोलीस निरीक्षक, 51 पोलीस अधिकारी, 1700 पोलीस कर्मचारी, 1 प्लाटून एसआरपीएफ, 4 दंगा पथके व 800 होमगार्डसह 12 धडक कृती पथके तैनात करण्‍यात आल्याची माहिती पोलीस अधिक्षक स्टॅलिन यांनी दिली आहे.