Webdunia - Bharat's app for daily news and videos

Install App

एटीएममध्ये स्फोट घडवून 28 लाख 77 हजारांची रोकड चोरीला

Webdunia
गुरूवार, 22 जुलै 2021 (15:14 IST)
दोन अनोळखी चोरट्यांसह हिताची पेमेंट सर्विसेस आणि त्यांच्या फ्रॅंचाईजी कंपनी विरोधात गुन्हा दाखल करण्यात आला आहे. खेड तालुक्यातील भांबोली गावात मुख्य रस्त्याच्या बाजूला असलेल्या एटीएममध्ये स्फोट घडवून दोन अनोळखी चोरट्यांनी 28 लाख 77 हजार रुपयांची रोकड चोरून नेली. दरम्यान या चोरट्यांनी एका व्यक्तीला पिस्तुलाचा धाक दाखवला. याप्रकरणी दोन अनोळखी चोरट्यांसह हिताची पेमेंट सर्विसेस आणि त्यांची फ्रॅंचाईजी कंपनी प्रॉपर्टी डेक्सचे सागर दांगट आणि इतर संबंधित यांच्या विरोधात गुन्हा दाखल करण्यात आला आहे.
 
ही घटना पहाटे  अडीच ते पहाटे चार वाजताच्या कालावधीत घडली. याबाबत पोलीस नाईक हनुमंत कांबळे यांनी चाकण पोलीस ठाण्यात फिर्याद दिली आहे.
 
पोलिसांनी दिलेल्या माहितीनुसार, भांबोली गावात हिताची कंपनीचे एटीएम आहे. बुधवारी मध्यरात्री अडीच वाजता दोन चोरट्यांनी एटीएम मध्ये स्फोटकांच्या सहाय्याने स्फोट घडवला. एटीएम मधून 28 लाख 77 हजार रुपये चोरी केले. यावेळी अनोळखी चोरट्यांना सोमनाथ सोपान पिंजण या व्यक्तीने हटकले. त्यावेळी त्यापैकी एकाने सोमनाथ पिंजन यांच्यावर पिस्टल सारखे  हत्यार रोखले. दुसऱ्या चोरट्याने, इसको गोली मारो असे म्हटले.
 
या प्रकरणात दोन चोरट्यांवर गुन्हा दाखल करण्यात आला आहे. त्याच बरोबर हिताची पेमेंट सर्विसेस आणि त्यांची फ्रॅंचाईजी कंपनी प्रॉपर्टी डेक्सचे सागर दांगट व इतर संबंधित यांनी एटीएमच्या सुरक्षिततेच्या उपाययोजनांबाबत पोलिसांनी लेखी आदेश देऊन देखील जाणीवपूर्वक दुर्लक्ष केले. निष्काळजीपणा करून सरकारी आदेश पाळला नाही. यामुळे ही चोरीची घटना घडली असा ठपका ठेवत पोलिसांनी त्यांच्यावही गुन्हा दाखल केला आहे. चाकण पोलीस तपास करीत आहेत.

संबंधित माहिती

चंद्रपुरात 1500 रुपये चोरी करण्याचा आरोपावरून एका व्यक्तीची हत्या, आरोपीला अटक

बारामतीत EVM स्ट्राँग रुमचा सीसीटीव्ही कॅमेरा 45 मिनिटे बंद असल्याचा शरद पवार गटाचा आरोप

मतदाराला आमदाराने कानशिलात लगावली, व्हिडीओ व्हायरल!

GT vs KKR Playing 11: गुजरातला प्लेऑफ मध्ये जाण्यासाठी केकेआरला पराभूत करण्याचे प्रयत्न, प्लेइंग 11 जाणून घ्या

गडचिरोलीत नक्षलवादी आणि सुरक्षा दलांमध्ये चकमक, तीन नक्षलवादी ठार, दोन महिलांचाही समावेश

बुरख्याच्या वादावर माधवी लता बोलल्या कोणाला घाबरत नाही

पाकिस्तानकडे बांगड्याही नाहीत... पंतप्रधान मोदींनी भारत आघाडीवर निशाणा साधला

मुंबईत 29 लाखांना विकले रीवा येथून चोरीला गेलेले सहा महिन्यांचे बाळ

Instant Noodles Side Effects इंस्टंट नूडल्स खाल्ल्याने 12 वर्षाच्या मुलाचा मृत्यू, संपूर्ण कुटुंब आजारी

पत्नीने वेळेवर जेवण न दिल्याने संतप्त पतीने कुऱ्हाडीने वार करून हत्या केली

पुढील लेख
Show comments