आज पंतप्रधान नरेंद्र मोदी आणि काँग्रेसचे नेते राहुल गांधी हे महाराष्ट्र दोऱ्यावर आहे. काँग्रेसचे नेते आज कोल्हापुरात असूनत्यांनी छत्रपती शिवाजी महाराजांच्या पुतळ्याचे अनावरण केले.
त्यांनी संविधान सन्मान संमेलनात कोल्हापुरातील नागरिकांना संबोधित केले.या वेळी ते म्हणाले, संविधानाच्या रक्षणासाठी काँग्रेस सत्तेत आल्यावर ते म्हणाले की, ही 50 टक्के मर्यादा हटवण्यासाठी काँग्रेस आणि इंडिया आघाडी कायदा मंजूर करतील.
ते म्हणाले की आम्ही लोकसभा आणि राज्यसभेत जात जनगणनेचा कायदा मंजूर करू आणि कोणतीही शक्ती त्याला रोखू शकत नाही. दलित किंवा मागासवर्गीयांचा इतिहास शाळांमध्ये शिकवला जात नसून तो इतिहास आता पुसून टाकण्याचा प्रयत्न केला जात असल्याचा आरोप त्यांनी केला.
दलित आणि मागास लोकांचा इतिहास मी शाळेत कधीच वाचला नाही. आज अगदी उलट घडत आहे, जो इतिहास आहे तो पुस्तकांमधून काढून टाकला जात आहे. इतिहासाशिवाय, व्यक्तीचे स्थान समजून घेतल्याशिवाय शिक्षण शक्य नाही.
त्यांनी छत्रपती शिवाजी महाराजांचा पुतळा कोसळल्यावरून भाजपवर जोरदार टीका केली.ते म्हणाले, जनतेला घाबरवून, राज्यघटना आणि संस्था नष्ट करून छत्रपती शिवाजी महाराज्यांच्या समोर नतमस्तक होण्यात काही फायदा नाही .
छत्रपती शिवाजी महाराज, शाहू महाराज यांच्यासारखी माणसे नसती तर राज्यघटना झालीच नसती. राहुल गांधी म्हणाले की, 'भारतीय संविधान हे शिवाजी महाराजांच्या विचारांचे प्रकटीकरण आहे. देश सर्वांचा आहे, हा छत्रपती शिवाजी महाराजांचा जगाला संदेश होता.सकाळी कोल्हापुरात पोहोचल्यावर सर्वप्रथम ते राजर्षी शाहू महाराजांच्या समाधीवर गेले. नंतर त्यांनी बावडा येथे भगवा चौकात उभारण्यात आलेल्या छत्रपती शिवाजी महाराजांच्या पुतळ्याचे अनावरण केले.
