बुधागड शेत शिवरामध्ये ५९ वर्षीय शेतकऱ्याने दोरीच्या साह्याने निंबाच्या झाडाला गळफास लावून आत्महत्या केल्याची धक्कादायक घटना आज सकाळी ७ वाजता उघडकीस आली. बुधागड हे अमरावती जिल्ह्याच्या खोलापूर पोलीस स्टेशन हद्दीतील गांव आहे. दादाराव बळीराम तानोळकर असे गळफास लावून आत्महत्या केलेल्या शेतकऱ्याचे नाव आहे.
दादाराव यांच्यावर कर्जाचा डोंगर असल्याने कर्जाची परतफेड कशी करावी, या विंचनेतून त्यांनी गळफास लावून जीवन संपवले. सततच्या नापिकीमुळे ते निराश होते. मृतकाच्या नातेवाईकांनी थेट खोलापूर पोलीस स्टेशन येथे तक्रार नोंदवली. त्यांच्या तक्रारीनुसार खोलापूर पोलीस स्टेशन येथे आकस्मिक मृत्यूची नोंद करण्यात आली.
घटनेची माहिती मिळताच खोलापूरचे ठाणेदार ईश्वर वर्गे पोलीस ताफ्यासह घटनास्थळी दाखल झाले. पंचनामा करून मृतदेह शवविच्छेदनासाठी जिल्हा सामान्य रुग्णालय अमरावती येथे पाठवण्यात आला. सदर घटनेचा पुढील तपास ठाणेदार ईश्वर वर्गे यांच्या मार्गदर्शनाखाली ए.एस.आय. कैसर खान व खोलापूर पोलीस करीत आहे.
Edited By - Ratnadeep Ranshoor
