नाशिक महानगरपालिकेसाठी होणारी निवडणूक भाजपने स्वबळावर लढायचे ठरविले आहे.याबाबतची घोषणा भाजपा शहराध्यक्ष आमदार बाळासाहेब सानप यांनी मंगळवारी केली आहे.
शिवसेनेशी युती करण्यासाठी भाजपने प्रयत्न केले आहेत. मात्र स्थानिक स्तरावर शिवसेनेने प्रतिसाद दिला नाही असे त्यांनी सांगितले. काही जाणकारांच्या मते मुंबई येथील युतीचा निर्णय झाला. तर मात्र नाशिकमध्ये सुद्धा पुन्हा विचार होवू शकतो असेही बोलले जात आहे. मात्र सध्या तरी नाशिकमध्ये भाजपा-शिवसेना वेगवेगळे लढणार आहेत.
दुसरीकडे मंगळवारी सकाळपासून भाजपाचे कार्यालय असलेल्या वसंत स्मृती येथे निवडणुकीसाठी इच्छुक उमेदवाराच्या मुलाखती सुरु केल्या आहेत. यामध्ये शहराध्यक्ष बाळासाहेब सानप, आ.देवयानी फरांदे, आ.हिरे , लक्ष्मण साउजी आदी मुलाखती घेत आहेत. यात ७०० इच्छुकांचे अर्ज जमा झाले असून १० प्रभांगासाठी २४२ इच्छुकांच्या मुलाखती होणार असल्याचे समजते.