मंत्रिपदासाठी १०० कोटींची मागणी, मुख्यसूत्रधार रियाज कोल्हापूरचा

राज्यातल्या नव्या मंत्री मंडळात मंत्रिपद मिळवून देण्यासाठी १०० कोटीची ऑफर देणारा पोलिसांच्या ताब्यात सापडला आहे. मंत्रिपदाच्या लोभात एका राष्ट्रीय पक्षाच्या आमदाराने देखील १०० कोटी देण्याची तयारी दाखवली होती. मात्र वेळीच सावधान होत याच आमदाराच्या मदतीने पोलिसांनी मुख्य सूत्रधाराला अटक केली आहे.

धक्कादायक बाब म्हणजे हा मास्टरमाईंड कोल्हापूर जिल्ह्यातील शिरोली येथे राहणारा रियाज अल्लाबक्ष शेख असल्याचे समोर आले आहे. झटपट श्रीमंत होण्याच्या नादाने त्याने हा पराक्रम केला असल्याचे उघड झाले.

राज्यातील सरकारमध्ये कोणाला मंत्रिपद मिळणार याकडे सर्वांचे लक्ष लागून राहिले असताना त्याचाच फायदा घेत मंत्रिपद मिळवून देतो, असे सांगून १०० कोटी रुपयांची मागणी करणाऱ्या रियाज शेखला मुंबईखंडणी विरोधी पथकाने अटक केली. ओबेराय हॉटेलमधुन आमदार राहुल कुल आणि आमदार जयकुमार गोरे यांच्यासमोर हि कारवाई केली.

आमदार राहुल कुल यांना मंत्रिपद मिळवून देण्यासाठी १०० कोटीची ऑफर देण्यात आली होती. याची फायनल रक्कम ९० कोटी ठरली होती