गणपती विसर्जनाच्या वेळेस ठाकरे आणि शिंदे गटामध्ये झालेला वाद अजून काही काळ सुरूच राहील अशी चिन्हे आहेत. प्रभादेवी येथे सदा सरवणकर आणि एकनाथ शिंदे यांचे पोस्टर फाडण्यात आले.
त्यानंतर झालेल्या गोंधळात सदा सरवणकर यांनी गोळीबार केल्याचा आरोप ठाकरे गटातर्फे ठेवण्यात आला.
त्यानंतर दोन दिवस हा वाद सुरूच राहिला. आता या वादामध्ये केंद्रीय मंत्री नारायण राणे यांनीही प्रवेश केला आहे. राणे यांनी सदा सरवणकर यांच्या घरी जाऊन त्यांची भेट घेतली.
यावेळेस ते म्हणाले, "मातोश्रीच्या दुकानात बसून तक्रारीचं मार्केटिंग सुरू आहे. असले हल्ले-बिल्ले करू नका, मुंबई आणि महाराष्ट्रात राहायचंय फिरायचंय ना? परवानगी घ्यावी लागेल."
