राज्यात पहिल्यांदा यांत्रिक पद्धतीने गणेश विसर्जन, 83 लाख खर्च

कोल्हापूर-  यंदा येथे महापालिकेने एक वेगळाच विसर्जन सोहळा आयोजित केला असून यात स्वयंचलित यंत्र उभारण्यात आलं आणि तांत्रिक पद्धतीनं विसर्जन सोहळा साजरा करण्यात आला.

शहरात 5 दिवसाच्या घरगुती गणपती बाप्पाला निरोप देण्यात आला तेव्हा इराणी खणीजवळ स्वयंचलित यंत्राद्वारे विसर्जन केले गेले.

यंत्राद्वारे गणेश मूर्ती पाण्यात सोडल्या जात होत्या. हा वेगळा प्रयोग राज्यात पहिल्यांदाच होत असून तब्बल 83 लाख रुपये खर्चून ही यंत्रणा इराणी खण येथे बसवण्यात आली आहे. हा राज्यातील पहिलाच प्रयोग आहे.