जिल्हा सामूहिक बलात्काराने हादरला आहे. नाशिक जिल्ह्यातील सप्तश्रृंगी देवीच्या वणीमध्ये (Vani) एका महिलेवर सामूहिक बलात्कार (Gangrape) करण्यात आला आहे. जीवे मारण्याची धमकी देत आरोपींनी पीडित महिलेवर बस स्टॉपमध्येच (Bus Stop) बलात्कार केला. या प्रकरणी पोलिसांनी (Nashik Police) चार जणांना अटक केली आहे. या घटनेमुळे नाशिक जिल्ह्यात एकच खळबळ उडाली आहे.
मिळालेल्या माहितीनुसार, नाशिक जिल्ह्यातील वणी येथील बस स्थानकावर 42 वर्षीय पीडित महिला आणि तिचा मित्र बसले होते. यावेळी त्याठिकाणी आलेल्या चौघांनी पीडित महिला आणि तिच्या मित्राला जीवे मारण्याची धकमी दिली. त्यानंतर त्यांनी आळीपाळीने पीडित महिलेवर बलात्कार केला. बुधावारी रात्री अकराच्या सुमारास ही घटना घडली आहे. या प्रकरणी पीडित महिलेने वणी पोलिस ठाण्यात आरोपींविरोधात तक्रार दाखल केली.
महिलेने दाखल केलेल्या तक्रारीच्या आधारावर पोलिसांनी चारही आरोपींविरोधात सामूहिक बलात्कार आणि अ‍ॅट्रॉसिटीचा गुन्हा दाखल केला आहे. गुन्हा दाखल झाल्यानंतर पोलिसांनी आरोपींचा शोध घेत चौघांनाही बेड्या ठोकल्या. चारही आरोपी पोलिसांच्या ताब्यात असून त्यांची चौकशी सुरु आहे. आरोपींना कठोरात कठोर शिक्षा व्हावी अशी मागणी नागरिकांनी केली आहे. या घटनेमुळे नाशिक जिल्हा हादरला आहे.
