असह्य थंडी : महाराष्ट्र विधानसभेच्या अधिवेशनात 2 मंत्री आणि 4 आमदार थंडीमुळे पडले आजारी

Nagpur News: महाराष्ट्र विधानसभेच्या हिवाळी अधिवेशनासाठी राज्यातील सर्व आमदार 15 डिसेंबरला नागपुरात दाखल झाले. तसेच नागपुरात त्याच दिवशी 40अंश सेल्सिअस तापमानाची नोंद झाली. रविवारी नागपूर विदर्भातील सर्वात थंड शहर ठरले. त्यानंतर थंडी थोडी वाढली पण अधिवेशनात हजेरी लावण्यासाठी आलेल्या आमदार आणि मंत्र्यांना थंडी सहन करणे कठीण होत होते. बदलत्या वातावरणामुळे थंडीमुळे त्रस्त असलेल्या 2 मंत्र्यांसह 4 आमदारांनी विधानभवनात असलेल्या दवाखान्यात जाऊन उपचार घेतले.

मिळालेल्या माहितीनुसार बुधवारी शहरात 9.4 अंश सेल्सिअस किमान तापमानाची नोंद झाली. दवाखान्यात 24 तास निवासी वैद्यकीय अधिकारी आणि परिचारिका कार्यरत असतात. अधिवेशन सुरू झाल्यापासून येथे 2 मंत्र्यांसह 4 आमदारांची तपासणी करण्यात आली. एका मंत्र्याच्या पायाला झालेल्या दुखापतीवर उपचार करण्यात आले. तसेच काहींना सर्दी, खोकल्याची तक्रार होती. विधानसभेत असलेल्या दवाखान्यातील बाह्यरुग्ण विभागात दररोज 150 ते 190 लोक येतात. बहुतेकजण सर्दी, ताप, खोकला, अपचनाच्या तक्रारी घेऊन उपचारासाठी येत आहे.