एसटी कर्मचाऱ्यांच्या संपात सहभागी असलेल्या कर्मचाऱ्यांच्या संघटनेचे नेते अजय गुजर यांनी संपातून माघार घेत असल्याचं स्पष्ट केलं. त्यानंतर संपकऱ्यांचे वकील गुणरत्न सदावर्ते यांनी मात्र हा दुखवटा आहे असं सांगत संप सुरू ठेवला आहे.
मात्र, अशा प्रकारे विविध पद्धतींनी संप भडकावण्याचा प्रकार चुकीचा असल्याचं परिवहन मंत्री अनिल परब यांनी म्हटलं आहे. त्यांनी पुन्हा एकदा कर्मचाऱ्यांना कामावर परतण्याचं आवाहनही केलं आहे.
अजय गुजर यांच्या विरोधात काही एसटी कर्मचाऱ्यांनी संताप व्यक्त केला. गुणरत्न सदावर्ते यांच्या प्रभावामुळं अजूनही दुखवट्याच्या नावाखाली संप सुरू आहे. त्यामुळं अजय गुजर संघटनेचा वकील बदलण्याचीही शक्यता व्यक्त केली जात आहे.
