MSBSHSE Maharashtra Board Class 12th (HSC) Result 2024 LIVE : महाराष्ट्र राज्य माध्यमिक आणि उच्च माध्यमिक शिक्षण मंडळाने (MSBSHSE) आज मंगळवार, 21 मे 2024 रोजी mahresult.nic.in या अधिकृत वेबसाइटवर बारावीचा HSC निकाल जाहीर केला. रोल नंबर आणि आईचे नाव यासारख्या वैयक्तिक लॉगिन तपशीलांचा वापर करून विद्यार्थी महाराष्ट्र बोर्ड इयत्ता 12वीचा निकाल पाहू शकतात. एकूण उत्तीर्णतेची टक्केवारी 93.37% आहे.
यंदा कोकण विभागाचा सर्वात अधिक तर सर्वात कमी निकाल मुंबई विभागाचा लागला आहे. पुणे 94.44 टक्के तर नागपूर 92.12 टक्के तसेच संभाजी नगर 94.08 टक्के मुंबई 91.95 टक्के तर कोल्हापूर 94.24 टक्के तसेच अमरावती 93 टक्के तर नाशिक 94.71 टक्के आणि लातूर 92.36 तर सर्वात अधिक कोकण विभागाचा 97.51 टक्के असा निकाल लागल आहे.
महाराष्ट्र एचएससी 12वीची परीक्षा 21 फेब्रुवारी ते 19 मार्च 2024 या कालावधीत अधिकाऱ्यांनी घेतली होती. परीक्षा सकाळी 11 ते दुपारी 3 आणि दुपारी 3 ते 6 या दोन शिफ्टमध्ये घेण्यात आली होती.
या वर्षी महाराष्ट्र HSC 12 वी परीक्षा 2024 साठी एकूण 15,13,909 उमेदवारांनी नोंदणी केली होती, ज्यात 8,21,450 मुले आणि 6,92,424 मुली आहेत. उमेदवारांमधील स्पर्धा टाळण्यासाठी टॉपरची नावे जाहीर केली जाणार नाहीत.
महाराष्ट्र HSC निकाल 2024 वर नवीनतम तपशील मिळविण्यासाठी या थेट ब्लॉगचे अनुसरण करा.
विद्यार्थी बुधवार पासून गुणपडताळणी आणि उत्तर पत्रिका छायाप्रतीसाठी 22 मे ते 5 जून पर्यंत ऑनलाईन अर्ज करू शकतील. विद्यार्थ्यांनी उत्तरपुस्तिकेच्या पुनर्मुल्यांकनासाठी अर्ज करण्यासाठी उत्तरपत्रिकेच्या छायाप्रत घेणे अनिवार्य असेल. उत्तरपत्रिका मिळाल्याच्या पाच दिवसांत उत्तरपत्रिकेच्या पुनर्मुल्यांकनासाठी अर्ज करावे.
इयत्ता बारावीची पुरवणी परीक्षा जुलै -ऑगस्ट मध्ये घेतली जाणार आहे. अनुत्तीर्ण विद्यार्थी सोमवार 27 मे पासून ऑनलाईन माध्यमातून अर्ज करू शकतात.
