जळगाव : मुक्ताई नगर शहरात जिजाऊ नगर येथे शॉक लागून एका चिमुकलीचा मृत्यू झाल्याची दुर्देवी घटना घडली आहे. ही घटना 19 मे रोजी ची असून या दिवशी त्या चिमुकलीचा नववा वाढदिवस होता. कुलरचा शॉक लागून या चिमुकलीचा मृत्यू झाला. वैष्णवी चेतन सनासे असे या मयत मुलीचे नाव आहे. वैष्णवी घरात खेळत असताना कुलरचा शॉक लागून मृत्यू झाला. वैष्णवीला तातडीने रुग्णालयात दाखल करण्यात आले. मात्र डॉक्टरांनी वैष्णवीला मृत घोषित केले. वाढदिवसा दिवशीच वैष्णवीचा मृत्यू झाल्यामुळे सर्वत्र हळहळ व्यक्त केली जात आहे.
वाढदिवसाच्या दिवशी तिचा वाढदिवस साजरा करण्याऐवजी तिच्या कुटुंबियांना तिच्यावर अंत्यसंस्कार करावे लागले. एका हसत्या खेळत्या चिमुकलीच्या एका क्षणातच मृत्यू झाला.घरातील सर्व जण वैष्णवीच्या वाढदिवस साजरा करण्याची जय्यत तयारी करत होते. कोणालाच अशी कल्पना नव्हती की असं काही घडेल. वैष्णवी घरात खेळात असताना तिचा हात कुलरला स्पर्श झाला आणि तिला मृत्यूने गाठले. तिला कुलरचा शॉक बसून तिचा मृत्यू झाला. मुक्ताई नगर परिसरात या घटनेमुळे हळहळ व्यक्त केली जात आहे.