मुंबई-पुणे एक्सप्रेस वे च्या टोलमध्ये 35 रुपयांनी वाढ

मुंबई-पुणे एक्सप्रेस वे च्या टोलमध्ये तब्बल 35 रुपयांनी वाढ करण्यात येणार आहे. सध्या 195 रुपये असणारा टोल 230 रुपये होणार आहे. तब्बल 18 टक्क्यांची ही टोलवाढ असून 1 एप्रिलपासून नव्या दराने टोलवसुली करण्यात येईल.

दर तीन वर्षांनी टोल वाढ करण्याची अधिसूचना सार्वजनिक बांधकाम विभागाने 2004 मध्ये काढली होती. त्यानुसार ही टोलवाढ करण्यात आली आहे. या निर्णयामुळे प्रवाशांचा खिसा आणखी रिकामा होणार आहे.