नाशिक येथील मेडिकल कॉलेज कॅम्पसमध्ये 100 हून अधिक विद्यार्थ्यांना अन्नातून विषबाधा झाली आहे. त्यापैकी सुमारे 55 जण अजूनही रुग्णालयात दाखल आहेत, तर इतरांना उपचारानंतर घरी सोडण्यात आले आहे.
जिल्ह्यातील इगतपुरी तालुक्यातील धर्मगाव येथील एसएमबीटी इन्स्टिट्यूट ऑफ मेडिकल सायन्सेस अँड रिसर्च सेंटरच्या सुमारे 100-125 विद्यार्थ्यांनी बुधवारी कॅन्टीनचे जेवण घेतल्यानंतर मळमळ आणि पोटदुखीची तक्रार केली, असे एका अधिकाऱ्याने सांगितले. त्यानंतर त्यांना कॅम्पस रुग्णालयात दाखल करण्यात आले.
पोलिसांनी दिलेल्या माहितीनुसार, कॅन्टीन चालवण्याचे कंत्राट एका खासगी कंपनीकडे आहे. या घटनेचा मेडिको-लीगल केस (MLC) म्हणून तपास केला जात आहे.