नोकरी लावण्याच्या बहाण्याने महिलेवर बलात्कार करणाऱ्या तीन आरोपींना पोलिसांनी अटक केली

महाराष्ट्रातील पालघर जिल्ह्यात एका 30 वर्षीय महिलेवर बलात्कार केल्याप्रकरणी पोलिसांनी तिघांना अटक केली आहे. या प्रकरणाची माहिती देताना एका पोलीस अधिकाऱ्याने बुधवारी सांगितले की, आरोपींनी पीडित महिलेला नोकरीचे आश्वासन देऊन फसवले आणि नंतर संधी साधून तिच्यावर बलात्कार केला.

या प्रकरणाचा तपास करत असलेले आचोळे पोलीस ठाण्याचे अधिकारी म्हणाले की, आरोपींपैकी एकाने पीडित महिलेला नोकरी लावून देण्याच्या बहाण्याने 2 सप्टेंबर रोजी नाला सोपारा भागातील आपल्या घरी बोलावले होते.

नोकरी लावून देण्याच्या नावाखाली बलात्कार केला

या घटनेबाबत पोलिसांकडून मिळालेल्या माहितीनुसार, पीडित तरुणी नोकरीसाठी आरोपीने सांगितलेल्या ठिकाणी पोहोचली असता आरोपीने तिला पकडून तिच्यावर बलात्कार केला. पोलीस अधिकाऱ्याने सांगितले की, आरोपी इथेच थांबला नाही तर त्याने पीडितेला परिसरातील त्याच्या ओळखीच्या दोन लोकांच्या घरीही पाठवले, जिथे त्यांनी महिलेवर बलात्कार केला.

पोलिसांनी आरोपीला अटक केली

ही घटना घडवणाऱ्या तीन आरोपींचे वय 26 ते 35 वर्षांच्या दरम्यान असल्याचे पोलिसांनी सांगितले. बलात्कारानंतर आरोपीने पीडित महिलेला ही घटना कोणाला सांगितली तर पुन्हा असेच करू, अशी धमकीही दिली. पोलिस अधिकाऱ्याने सांगितले की, पीडित महिलेने रविवारी पोलिसांशी संपर्क साधला आणि घटनेची तक्रार दाखल केली. त्यानंतर पोलिसांनी तीन आरोपींविरुद्ध गुन्हा दाखल केला आणि त्यांना अटक केली. सध्या याप्रकरणी पुढील कारवाई सुरू आहे.