संजय राऊत यांनी चांगल्या डॉक्टरांकडून उपचार घ्यावेत- देवेंद्र फडणवीस

महाराष्ट्राचे उपमुख्यमंत्री देवेंद्र फडणवीस यांनी खासदार संजय राऊत यांच्यावर टीका केली आहे. फडणवीस म्हणाले संजय राऊत गांजा पिऊन लेख लिहितात. राऊत सध्या लंडनमध्ये असून त्यांनी तेथील चांगल्या डॉक्टरांकडून उपचार घ्यावेत. उपमुख्यमंत्री देवेंद्र फडणवीस यांनी पत्रकारांच्या प्रश्नांना उत्तरे देताना ही प्रतिक्रिया दिली.

उपमुख्यमंत्री देवेंद्र फडणवीस यांनी निराशा व्यक्त करत राऊत यांच्या प्रश्नांची उत्तरे द्यायची नसल्याचे सांगितले. ते म्हणाले की, राऊत यांच्या वक्तव्यात विश्वासार्हता नाही. एवढेच नाही तर राऊत लंडनमध्ये असून, योग्य मानसोपचार तज्ज्ञांकडून उपचार घेऊ शकतात, असेही त्यांनी सांगितले.

संजय राऊत यांनी अलीकडेच पंतप्रधान नरेंद्र मोदी, केंद्रीय मंत्री अमित शहा आणि देवेंद्र फडणवीस यांच्यावर लोकसभा निवडणुकीत नितीन गडकरींचा पराभव करण्यासाठी काम केल्याचा आरोप केला होता. तसेच  अमितशाह योगी आदित्यनाथ यांना घरी पाठवतील. असं राऊतांनी भाकीत केलं आहे. या वक्तव्यामुळे राजकीय वर्तुळात खळबळ उडाली आहे.  यावर फडणवीस यांनी तिखट प्रतिक्रिया देत राऊत यांचे वक्तव्य फेटाळून लावले. जे लोक गांजा पिऊन नशेत लिहितात त्यांच्यावर मी भाष्य करत नाही, असे फडणवीस यांनी ठणकावून सांगितले.

प्रसारमाध्यमांशी संवाद साधताना पत्रकारांनी फडणवीस यांना राऊत यांच्या मोदी, शहा आणि खुद्द फडणवीस यांच्याशी संबंधित वक्तव्याबाबत प्रश्न विचारला. आपल्या जुन्या भूमिकेवर ठाम राहून फडणवीस यांनी राऊत यांच्या वक्तव्यावर कोणतेही वक्तव्य करण्यास स्पष्टपणे नकार दिला.

Edited by - Priya Dixit