सुरत :वडिलांनी एका अल्पवयीन मुलाला मोबाईलवर गेम खेळताना फटकारले तेव्हा त्याने रागाच्या भरात स्वतःच्या वडिलांचा गळा दाबून खून केला आणि स्वतःला वाचवण्यासाठी त्याने बाथरुममध्ये पडून वडिलांच्या जखमी झाल्याची खोटी कहाणी रचली.
अहवालांनुसार,हे प्रकरण शहरातील हजीरा रोडवर असलेल्या कवास गावाचे आहे,जिथे काही दिवसांपूर्वी मोबाईलवर गेम खेळल्याबद्दल फटकारलेल्या एकाअल्पवयीन मुलाने वडिलांचा गळा दाबून खून केला आणि नंतर ते बाथरूममध्ये पाय घसरून जखमी झाल्याची खोटी कहाणी रचली.
मात्र, डॉक्टरांच्या संशयावरून फॉरेन्सिक पोस्टमॉर्टम मध्ये खून झाल्याचे उघडकीस आल्यानंतर पोलिसांनी आरोपी असलेल्या अल्पवयीन मुलाला ताब्यात घेतले आहे.
वडिलांना मंगळवारी न्यू सिव्हिल हॉस्पिटलमध्ये उपचारासाठी आणण्यात आले,तेथे डॉक्टरांनी त्यांना मृत घोषित केले.पत्नी डॉली आणि मुलगा डॉक्टरांसमोर म्हणाले की ते आठवड्यापूर्वी बाथरूममध्ये पडले होते आणि मंगळवारी संध्याकाळी झोपेतून उठले नाहीत.
पण चौकशी केल्यावर मुलाने सांगितले की वडील नेहमी दिवसभर मोबाईल फोनवर गेम खेळल्याबद्दल रागावत असायचे.ज्यामुळे मंगळवारी संध्याकाळी आई बाहेर गेली होती,वडिलांनी दोघांना फटकारले तेव्हा दोघांमध्ये भांडण झाले,त्यानंतर मी वडिलांचा गळा दाबून खून केला.