Webdunia - Bharat's app for daily news and videos

Install App

१३ वर्षीय गीतने अवघ्या एका मिनिटात केली ३९ योगासने; चार बुक ऑफ रेकॉर्डमध्ये नोंद

Webdunia
शनिवार, 15 जानेवारी 2022 (21:20 IST)
लवचिकता, प्राविण्य, चिकाटी अन् जिद्दीच्या जोरावर अवघ्या तेरा वर्षीय गीत पराग पटणीने एका मिनिटात तब्बल ३९ योगासने करीत विक्रमाला गवसनी घातली आहे. तिने वर्ल्ड बुक ऑफ रेकॉर्डसह चार विक्रम नोंदविले आहेत.
नाशिक येथे गीत योगा फाउंडेशनमध्ये आपल्यापेक्षा वयाने मोठ्या विद्यार्थ्यांना योगाचे धडे देणाऱ्या गीतने या विक्रमासाठी मोठी मेहनत घेतली. सराव आणि जिद्दीच्या जोरावर तिने हे आव्हान सहज पेलले. तिच्या या विक्रमाची इंडिया बुक ऑफ रेकॉर्ड, इंटरनॅशनल बुक ऑफ रेकॉर्ड, वर्ल्ड बुक ऑफ रेकॉर्ड तसेच वर्ल्डवाइड बुक ऑफ रेकॉर्डमध्ये नोंद झाली आहे.
गितने एक मिनिटांच्या कालावधीत वीरभद्रासन, उर्ध्व वीरभद्रासन, दंडेमान जानू सिरासन, हनुमानासन, पादंगुष्टासन, पद्मसर्वांगासन यासह अनेक अवघड अशाप्रकारचे योगासने सादर केले. यावेळी तिने केलेल्या या विक्रमाची विविध रेकॉर्डमध्ये नोंद करण्यात आली. आता तिचे लक्ष्य गिनिज बुक ऑफ रेकॉर्डकडे असून, लवकरच त्याबाबतची प्रक्रिया सुरू करणार असल्याचे तिने स्पष्ट केले. दरम्यान, गितने आतापर्यंत अनेकांना योगाचे धडे दिले असून, तिच्या विद्यार्थ्यांना विविध स्पर्धांमध्ये प्राविण्य मिळविले आहे. गितच्या या यशाबद्दल तिचे सर्वत्र कौतुक होत आहे.
वयाच्या साडेचार वर्षापासून योगाचे धडे
गीतला वयाच्या साडेचार वर्षातच योगबद्दल आकर्षण वाटू लागले. आई काजल पटणी या योगगुरू असल्याने, त्यांच्याकडूनच तिला योगाचे बाळकडू मिळाले. पुढे तिची योगबद्दलची रूची वाढत गेली. पुढे वयाच्या दहाव्या वर्षानंतर तिने योगामध्ये विशेष प्राविण्य मिळवित योगशिक्षक म्हणून आपल्या समवयस्क किंवा त्यापेक्षा अधिक वयाच्या विद्यार्थ्यांना योगाचे धडे देण्यास सुरुवात केली. तिच्या या विशेष कार्यासाठी तिला ‘यंगेस्ट ट्रेनर’ या पुरस्कारानेही सन्मानित करण्यात आले.

संबंधित माहिती

जेवण बनवतांना गॅस सिलेंडर झाले लीक आग लागल्याने 4 जणांचा मृत्यू

'अनुपमा' अभिनेत्री रुपाली गांगुली भाजपमध्ये दाखल

महाराष्ट्र गीत : जय जय महाराष्ट्र माझा, गर्जा महाराष्ट्र माझा

मोदींकडून महाराष्ट्र दिनानिमित्त मराठीत शुभेच्छा!

टँकरच्या अपघातामुळे रस्त्यावर तेल सांडलेले पाहून मुख्यमंत्री शिंदे यांनी मदतीचा हात पुढे केला

कल्याणमधून श्रीकांत शिंदे आणि ठाण्यातून नरेश गणपत म्हस्के यांना तिकीट

'मी जिवंत असेपर्यंत मुस्लिमांना धर्माच्या आधारे आरक्षण देणार नाही', पंतप्रधान मोदींचे मोठे वक्तव्य

मुबंई लोकसभेच्या 6 जागांसाठी या नेत्यांमध्ये होईल सामना

Russia-Ukraine War : ओडेसामध्ये रशियाचा क्षेपणास्त्र हल्ला, पाच जण ठार

नेहरू-गांधी घराण्याच्या तीन पिढ्यांनी देशासाठी बलिदान दिले; शरद पवारांचे वक्तव्य

पुढील लेख
Show comments