विद्रोही साहित्य संमेलनाच्या विचारयात्रेला सुरवात

केटीएचएमच्या प्रांगणात विद्रोही साहित्य संमेलनाला सुरवात झाली असून संमेलनाच्या उदघाटनापूर्वी विचारयात्रेला प्रारंभ झाला.

मविप्र च्या अभिनव शाळेतल्या महाकवी वामनदादा कर्डक साहित्य नगरीत आजपासून संविधान सन्मानार्थ विद्रोही साहित्य संमेलनाला सुरवात झाली आहे. उदघाटनाच्या सुरवातीला विचारयात्रेला सुरवात झाली. हुतात्मा स्मारकातून या विचारयात्रेला प्रारंभ झाला. यात अनेक साहित्यिकांसह नागरिक सहभागी झाले असून विविध लोककला सादर करीत विचार यात्रा संपन्न होत आहे.

यामध्ये नंदुरबार येथीलही काही आदिवासी बांधवानी सहभाग होत लक्ष वेधून घेतले. यावेळी आदिवासींचे प्रतीक म्हणून ओळखला जाणारा कोंबडा देखील विचार यात्रेत सहभागी असल्याचे दिसून आले.

विद्रोही साहित्य संमेलनात गायक आदर्श शिंदेची हजेरी

नाशिक येथे आयोजित विद्रोही साहित्य संमेलनाच्या दुसऱ्या दिवशी सुप्रसिद्ध गायक आदर्श शिंदे हजेरी लावणार आहेत. यामुळे विद्रोही साहित्य संमेलनाला चार चांद लागणार आहे.

नाशिक ४ व ५ डिसेंबर ला आयोजित, संविधान सन्मानार्थ १५ वे विद्रोही साहित्य संमेलन केटीएचएम कॉलेज प्रांगणात होत असून या साहित्य संमेलनात महाराष्ट्राचे लाडके गायक आदर्श शिंदे यांची हजेरी लागणार आहे.

तसेच ज्येष्ठ गायिका सुषमा देवी, गायक प्रतापसिंग बोदडे, प्रकाश पाटणकर, दिनकर शिंदे, समर्थक शिंदे, रंगराज ढेंगळे, विजयराज निकम, चेतन लोखंडे, जितू देवरे, रोहित उन्हवणे, रवी बराते, संजय उन्हवणे असे अनेक नामवंत गायक या संमेलनात उपस्थिती राहून आपले गीत गायन प्रदर्शित करणार आहे.