दापोली येथे सहा जण पुण्याहून फिरण्यासाठी आले होते. हे सहा जण समुद्रात पोहोण्यासाठी उतरले. मात्र, पाण्याचा अंदाज न आल्याने सहा जण बुडू लागले. त्यापैकी तीन जणांना स्थानिकांनी वाचवले. तर तीन जण बुडालेत.
पुण्यातून कोकणात मौजमजा करण्यासाठी आलेल्या सहा तरुणांचा एक ग्रुप आला होता. त्यानंतर ते आंजर्ले समुद्रकिनारी फिरण्यास गेले होते. यावेळी त्यातील काहीजण समुद्रात उतरले. त्यानंतर त्यांचे मित्रही समुद्रात मजामस्ती करत होती. यावेळी पाण्याचा अंदाज न आल्याने ते समुद्रात ओढले गेले. सहा जणांपैकी तीन जण समुद्रात पाण्याचा अंदाज न आल्याने बुडालेत. अक्षय साखेलकर, विकास श्रीवास्तव आणि मनोज गावंडे अशी बुडालेल्या तिघांची नावे आहेत. हे सर्व पुण्यातून दापोलीत फिरण्यासाठी आले होते.
समु्द्रात तरुण बुडत असल्याची बाब स्थानिकांच्या निर्दशनास आली. त्यानंतर त्यांनी त्यांना वाचविण्यासाठी समुद्रात उड्या घेतल्या. त्यामुळे तीन जणांना वाचवण्यात स्थानिकांना यश आले.