हवामान खात्याकडून या जिल्ह्यांना पावसाचा यलो अलर्ट

केरळ मध्ये मान्सून ने हजेरी लावली आहे. महाराष्ट्र राज्यात अनेक भागात पावसाने हजेरी लावली असून  या पावसाला हवामान खात्यानं पूर्व मान्सून असल्याचे म्हटलं आहे. राज्यातील काही ठिकाणी आज देखील विजांच्या कडकडाटासह पावसाची शक्यता वर्तवण्यात आली आहे. तसेच विदर्भातील काही जिल्ह्यात तुरळक ठिकाणी विजांच्या कडकडाटासह हलक्या ते मध्यम स्वरूपाचा पावसाचा अंदाज वर्तवला आहे.  

राज्यातील दक्षिण कोकणात आणि मध्य महाराष्ट्रात काही ठिकाणी विजांच्या कडकडाटासह मध्यम ते मुसळधार पावसाची शक्यता वर्तवण्यात आली असून परभणी, जालना, हिंगोली, बीड, लातूर, नांदेड, ठाणे, अकोला, धाराशिव, रत्नागिरी, सांगली, सिन्धुदुर्ग, अहमदनगर, नाशिक, कोल्हापूर, सोलापूर, भंडारा, पुणे, छत्रपती संभाजी नगर, गडचिरोली, भांडार, अमरावती, बुलढाणा, नागपूर, गोंदिया, यवतमाळ, वाशीम, नागपूर जिल्ह्याना पावसाचा यलो अलर्ट हवामान खात्याकडून देण्यात आला आहे.  

तसेच मुंबई, मुंबई उपनगर, जळगाव, पालघर नंदुरबार, धुळे या जिल्ह्यांना वगळून राज्यात वादळी वाऱ्याचा इशारा हवामान खात्यानं दिला आहे. राज्यात बुधवारी वादळी वाऱ्यासह पावसाची हजेरी लागणार असून महाराष्ट्राला हवामान खात्यानं यलो अलर्ट दिला आहे. 

Edited by - Priya Dixit