नागपूरसह राज्यातील अनेक भागात पावसाचा येलो आणि ऑरेंज अलर्ट जारी

महाराष्ट्रातील नागपूरसह राज्यातील अनेक भागात येलो आणि ऑरेंज अलर्ट जारी करण्यात आला आहे. हवामान खात्याच्या म्हणण्यानुसार, आठवडाभर राज्यातील अनेक भागात पाऊस पडण्याची शक्यता आहे.

गेल्या काही दिवसांत झालेल्या पावसानंतर बुधवारी पाऊस पडला नाही. रात्री काही भागात रिमझिम पाऊस पडला पण मुसळधार पाऊस पडला नाही. तसेच नागपूरसह विदर्भातील सर्व जिल्ह्यांमध्ये ५ आणि ६ जुलै रोजी येलो अलर्ट जारी करण्यात आला आहे. या काळात, शहरातील बहुतेक भागात मेघगर्जनेसह मुसळधार पाऊस पडण्याची शक्यता हवामान खात्याने वर्तवली आहे.

पुढील पाच दिवस पावसाची शक्यता

पुढील चार ते पाच दिवस कोकण किनारपट्टी, मुंबई, मध्य महाराष्ट्र आणि विदर्भातील काही भागात मुसळधार पाऊस पडण्याची शक्यता आहे. मराठवाड्यात वादळ आणि मुसळधार पावसाचा इशारा देण्यात आला आहे. रायगड जिल्ह्यासाठी ऑरेंज अलर्ट जारी करण्यात आला आहे. हवामान खात्याने नागरिकांना सतर्क राहण्याचे आवाहन केले आहे.  

तसेच गुरुवारी सिंधुदुर्ग, रत्नागिरी, रायगड तसेच पुणे, सातारा आणि कोल्हापूर घाट परिसरात पावसाचा ऑरेंज अलर्ट जारी करण्यात आला आहे. मुंबई, ठाणे, पालघर आणि नाशिक घाट परिसरात पावसाचा यलो अलर्ट जारी करण्यात आला आहे. तर शुक्रवारी सिंधुदुर्ग, रत्नागिरी, रायगड तसेच पुणे आणि सातारा घाट परिसरात पावसाचा यलो अलर्ट जारी करण्यात आला आहे. कोल्हापूर घाटांमध्ये मुसळधार पाऊस पडण्याची शक्यता आहे आणि तेथे ऑरेंज अलर्ट आहे. विदर्भातील गोंदिया आणि गडचिरोली येथे येलो अलर्ट जारी करण्यात आला आहे.

5 जुलैसाठी रत्नागिरी, रायगड, तसेच पुणे, सातारा आणि कोल्हापूर घाट आणि चंद्रपूरमध्ये ऑरेंज अलर्ट जारी करण्यात आला आहे. सिंधुदुर्ग, मुंबई, ठाणे, पालघर, जालना, परभणी, हिंगोली, वाशीम, अकोला, यवतमाळ, वर्धा, नागपूर, गडचिरोली, गोंदिया येथे यलो अलर्ट जारी करण्यात आला आहे.

Edited By- Dhanashri Naik