18 वर्षे मोठी लिव्ह-इन पार्टनरचा तरुणाने खासगी व्हिडिओ केला व्हायरल

ठाणे जिल्ह्यातून एक धक्कादायक घटना समोर आली आहे. जिथे ब्रेकअपनंतर एका व्यक्तीने आपल्या लिव्ह-इन पार्टनरचा खासगी व्हिडिओ इंटरनेटवर व्हायरल केला. पीडितेच्या तक्रारीवरून पोलिसांनी आरोपीविरुद्ध गुन्हा दाखल केला आहे.

एका अधिकाऱ्याने सांगितले की, लिव्ह-इन रिलेशनशिप संपल्यानंतर 29 वर्षीय आरोपीने एका महिलेचा खासगी व्हिडिओ व्हायरल केला. त्याच्या विरोधात 47 वर्षीय महिलेने तक्रार दाखल केली असून, त्यानंतर गुन्हा दाखल करण्यात आला आहे. पीडित महिला ऑगस्ट 2022 ते जानेवारी 2024 पर्यंत आरोपीसोबत रिलेशनशिपमध्ये होती.

पोलिसांनी दिलेल्या माहितीनुसार, आरोपी जेव्हा महिलेसोबत रिलेशनशिपमध्ये होता तेव्हा त्याने तिचा अंघोळ करतानाचा व्हिडिओ रेकॉर्ड केला होता. आरोपींनी महिलेचे सोन्याचे दागिनेही घेऊन घेतले होते. नंतर महिलेने संबंध संपवण्याचा निर्णय घेतला आणि त्याला तिचे दागिने परत करण्यास सांगितले.

माहितीनुसार जेव्हा पीडितेने आरोपीला भेटण्यास नकार दिला, तेव्हा त्याने तिला गंभीर परिणामांचा इशारा दिला आणि तिला जीवे मारण्याची धमकी दिली. पीडितेच्या म्हणण्यानुसार, आरोपीने तिचे खाजगी व्हिडिओ व्हॉट्सॲपवर लोकांना पाठवले आहेत.

ठाण्यातील कापूरबावडी पोलीस ठाण्यातील एका अधिकाऱ्याने सांगितले की, “आरोपी आणि महिला ऑगस्ट 2022 ते या वर्षी जानेवारी या कालावधीत डोंबिवली आणि माजिवडा परिसरात लिव्ह-इन रिलेशनशिपमध्ये होते.

महिलेच्या तक्रारीच्या आधारे आरोपीविरुद्ध गुन्हा दाखल करण्यात आला आहे. पोलीस या प्रकरणाचा तपास करत आहेत.