मुंबई- भ्रष्टाचाराच्या अनेक आरोपांनंतर मंत्रिपदाचा राजीनामा द्यावा लागलेले माजी महसूलमंत्री एकनाथ खडसे यांना दहशतवाद विरोधी पथकाने (एटीएस) दाऊद फोन प्रकरणात ‘क्लीन चिट’ देऊन आणखी एक सुखद धक्का दिला आहे. यापूर्वी एसीबीने लाचखोरीप्रकरणी न्यायालयात दाखल केलेल्या आरोपपत्रातून खडसेंचे नाव वगळले होते.
लाचखोरी प्रकरणातून एसीबीने क्लीन चिट दिल्यानंतर खडसे यांनी आनंद व्यक्त केला होता. या सर्व आरोपांतून मी निदरेष सुटेन, असा विश्वास त्यांनी व्यक्त केला होता. त्यात एटीएसनेही दाऊद प्रकरणात क्लीन चिट देऊन त्यांचा विश्वास दुपटीने वाढवला आहे.