डोंबिवली एमआयडीसीत भीषण स्फोट

डोंबिवलीच्या एमआयडीसी परिसरातल्या हर्बर्ट ब्राऊन केमिकल कंपनीच्या बॉयलरमध्ये भीषण स्फोट झाला आहे.  या स्फोटात तिघांचा मृत्यू तर 50 पेक्षा जास्त जण जखमी झाले आहेत. या  शक्तीशाली स्फोटामुळे आजूबाजूच्या सहा कंपन्यांचंही मोठं नुकसान झालं आहे. इतका मोठा स्फोट कशामुळे झाला हे अद्याप स्पष्ट झालेलं नाही.
सकाळी पावणेबाराच्या सुमारास हा स्फोट झाला. हा स्फोट इतका तीव्र होता की यामुळे परिसरातील अनेक इमारतींच्या काचाही फुटल्या आहेत. इतकंच नाही तर या स्फोटामुळे 4-5 किमी अंतरावरील दुकाने, गाड्यांच्या काचा फुटल्या आहेत. सध्या एमआयडीसी परिसरात प्रचंड धूर पसरला आहे.