रशिया-युक्रेन युद्धाच्या 112 व्या दिवशी, रशियन सैन्याने पूर्व युक्रेनचा मोठा भाग ताब्यात घेतल्याचा दावा करत युक्रेनियन सैन्याला शस्त्रे खाली ठेवण्याचे आवाहन केले आहे. रशियाने सांगितले की युक्रेनकडे सेवेरोदोनेस्कमध्ये काहीही उरले नाही, त्याला आपले शस्त्र खाली ठेवावे लागेल. लुहान्स्कचे गव्हर्नर म्हणाले, रशियाला येथे रोखणे कठीण आहे. तर कीवने नाटो देशांकडून क्षेपणास्त्रविरोधी यंत्रणा मागवली आहे.
सेवेरोदोनेस्कमधील एका युक्रेनियन अधिकाऱ्याने नाव न सांगण्याच्या अटीवर बोलताना कबूल केले की रशियन सैन्याने शेवटचा युक्रेनियन-नियंत्रित पूल नष्ट केला आणि नागरिकांना बाहेर काढण्याचे सर्व मार्ग बंद केले. यानंतर या भागात रशियाचा ताबा निश्चित झाला आहे. दुसरीकडे, लुहान्स्कच्या गव्हर्नरने असेही म्हटले आहे की मॉस्कोचे सैन्य तोफखान्याने शहराला वेढा घालत आहे आणि रशियाने सेवेरोदोनेस्क येथील रासायनिक संयंत्रात आश्रय घेत असलेल्या युक्रेनियन सैनिकांना आत्मसमर्पण करण्यास सांगितले आहे. राष्ट्राध्यक्ष व्होलोडिमिर झेलेन्स्की यांनी पाश्चात्य देशांना अधिक प्रगत क्षेपणास्त्रविरोधी यंत्रणा पाठवण्याचे आवाहन केले आहे. नाटोचे संरक्षण मंत्री युक्रेनला शस्त्र पुरवठा करण्याबाबत चर्चा करणार आहेत सरचिटणीस जेन्स स्टॉल्टनबर्ग यांनी ही माहिती दिली.