Ukraine War: पुतिन यांनी 1,37000 सैनिकांची भरती करण्याच्या सूचना दिल्या, युद्धात रशिया लष्करी ताकद वाढवणार

युक्रेनसोबत सुरू असलेल्या युद्धाच्या काळात रशिया स्वत:ला आणखी मजबूत करण्याच्या तयारीत होता.या अंतर्गत त्यांनी आपल्या सैन्यात अधिकाधिक सैनिकांची भरती करण्याची योजना आखली आहे.रशियाचे राष्ट्राध्यक्ष व्लादिमीर पुतिन यांनी गुरुवारी यासंबंधीच्या आदेशावर स्वाक्षरी केली.आता रशियन सैन्य दलातील सैनिकांची संख्या 20 लाखांच्या पुढे जाईल.137,000 जवानांची वाढलेली संख्या पुढील वर्षी 1 जानेवारीपासून लागू होईल.

नुकत्याच झालेल्या युद्धात 100 हून अधिक रशियन सैनिकांचा मृत्यू झाल्याचा दावा युक्रेनने केल्यानंतर रशियन सैन्य भरतीची बातमी आली आहे.रशिया आणि युक्रेनमधील युद्धाला सहा ते सात महिने झाले आहेत.असे असूनही हे युद्ध अद्याप निर्णायक वळणावर आलेले नाही.

रशियात सैनिक भरतीचे वृत्त समोर आल्यानंतर सोशल मीडियावर लोकांच्या प्रतिक्रिया येऊ लागल्या आहेत.युजर्स ज्या पद्धतीने कमेंट करत आहेत, त्यावरून असा अंदाज लावला जात आहे की, लोक रशियाच्या या निर्णयाबद्दल फारसे उत्साहित नाहीत.एका यूजरने लिहिले की याचा अर्थ या युद्धात पुतिनचे सैनिक मारले जात आहेत.यावरून असे दिसते की युक्रेन त्यांचे मोठे नुकसान करत आहे.त्याचवेळी, आणखी एका युजरने यावर संतप्तपणे लिहिले आहे की, अदूरदर्शी निर्णयामुळे करदात्यांच्या खिशावर भार पडणार आहे.