ऑस्ट्रेलियन ओपनच्या फायनलमध्ये नोवाक जोकोविकने अँडी मरेचा पराभव केला आहे. या विजयामुळे जोकोविकने रॉय इमरसनच्या 6 ऑस्ट्रेलियन ओपन टायटलची बरोबरी केली आहे. तर जोकोविकचे हे 11 वे ग्रँडस्लॅम आहे. पण रॉजर फेडररला मागे टाकण्यासाठी अजूनही जोकोविक 7 पावले दूर आहे. फेडररकडे आता 17 ग्रँडस्लॅम आहेत.
तीन तासांपेक्षा कमी चाललेल्या या मॅचमध्ये जोकोविकने मरेचा 6-1, 7-5, 7-6(3) ने पराभव केला. या मॅचमध्ये सुरुवातीपासूनच जोकोविक आघाडीवर दिसला.
पहिल्याच सेटमध्ये त्याने मरेला 32 मिनिटांमध्येच मागे टाकले. पण दुसर्‍या सेटमध्ये मात्र मरेने कमबॅक करायचा प्रयत्न केला आणि 7-5 ने हा सेट आपल्या नावावर करत बरोबरी केली.
तसेच तिसर्‍या सेटच्या टाय ब्रेकरमध्ये जोकोविकने मरेला पुन्हा मागे टाकले, आणि मेलबर्नच्या मैदानावर इतिहास रचला.