भारताची टेनिस स्टार सानिया मिर्झा आणि तिचा नवरा पाकिस्तानी क्रिकेटपटू शोएब मलिक यांच्यात तणाव वाढत असल्याचे समजते. सानियाने शोएबला तलाक देण्याचीही तयारी केल्याचे सूत्रांनी सांगितले. गेल्या अनेक दिवसांपासून ते विभक्त राहत आहेत.
सानियाने 2010 मध्ये पाकिस्तानचा माजी कर्णधार शोएब मलिकसोबत निकाह केला होता. सानिया आणि शोएबच्या लग्न म्हणजे भारत-पाकिस्तान संबंध सुधारण्यासाठीची एक मजबूत कडी मानली जात होती. गूगल ट्रेंड्सनुसार 2010मध्ये सानियाला सर्वात जास्त विवाह प्रस्ताव आले होते. शिवाय इंटरनेटवर सगळ्याच जास्त सर्च झालेली व्यक्ती म्हणजे सानिया मिर्झा होती.
सानिया-शोएबच्या निकाहला अनेक अडचणीही आल्या होत्या. विवाह होण्यापूर्वी एका तरुणीने शोएबशी विवाह केल्याचा दावा केला होता. विशेष म्हणजे तिने शोएबला धमकीही दिली होती. शोएबने आपले आधी लग्न झाने नसल्याचे म्हटले होते. तरीदेखील सानियासोबत निकाह करण्यासाठी त्याने कथित तरुणीसोबत घटस्फोट घेतला आणि सानिया-शोएब विवाहबंधनात अडकले होते.