भारताचा अव्वल टेनिसपटू युकी भांबरी नुकत्याच जाहीर झालेल्या एटीपी रँकिंगमध्ये दोन स्थान खाली घसरला असून तो आता ९३ व्या स्थानावर आला आहे. सोमदेव देवबर्मन याचीही दोन स्थानांची घसरण झाली असून तो आता १८१ व्या स्थानावर आहे. साकेत मायनेनी आपले १७१ वे स्थान कायम ठेवू शकला, तर रामकुमार रामनाथनने १३ स्थानांची झेप घेत २६० वे स्थान मिळविले आहे.
दुहेरीत रोहन बोपन्ना नवव्या स्थानी कायम आहे. लियांडर पेस ४१ व्या व पूरव राजा ९३ व्या स्थानी आहे. डब्ल्यूटीएच्या महिला दुहेरीच्या क्रमवारीत सानिया मिर्झा अव्वल स्थानी आहे. तिची स्वित्झर्लंडची साथीदार मार्टिना हिंगीस ११३५५ गुणांसह आघाडीवर आहे. एकेरीत अंकिता रैना २५५ व्या स्थानावर आहे.