पाच ग्रँड स्लॅम पदकं पटकवणारी रशियन टेनिसस्टार मारिया शारापोवा हिचे आपला बॉयफ्रेंड टेनिस खेळाडू ग्रिगोर दिमित्रोव याच्याशी ब्रेकअप झाले आहे.
मागील तीन वर्षापासून ते रिलेशनशिपमध्ये होते. सोळाव्या क्रमांकाचा खेळाडू दिमित्रोव याने या बाबीचा खुलासा केला. दिमित्रोवचे शारापोवाच्या आधी नंबर वर टेनिसस्टार सेरेना विल्यम्ससोबतही अफेअर होते. शारापोवाच्या ब्रेकअपची मागील दहा वर्षातील ही पाचवी घटना आहे. या आधी गायक अँडम लिवाईन, टेनिसपटू एंडी रॉडिक, निर्माता चार्ली एबरसोल आणि बास्केटबॉल खेळाडू साशा वुजासिक यांच्याशी तिचा संबंध होता.
साशा वुजासिक सोबत तर तिचा साखरपुडाही झाला होता. दिमित्रोव याने बल्गेरियन मीडियाला सांगितले की, माझे आणि शारापोवाचे संबंध तुटले आहेत. आम्ही एकमेकांसोबत खूप आनंदात जगलो. तिने तिचा खेळ आणि खासगी जीवनात प्रगती करावी यासाठी मी मनोकामना करत आहे. आता मी पण माझ्या खेळावर पूर्ण लक्ष केंद्रित करणार आहे.