Bray Wyatt Death: WWE सुपरस्टार आणि माजी हेवीवेट चॅम्पियन ब्रे व्याट यांनी वयाच्या अवघ्या 36 व्या वर्षी जगाचा कायमचा निरोप घेतला. व्याट, ज्याचे खरे नाव विंडहॅम रोटुंडा होते, जीवघेण्या आजारामुळे अनेक महिन्यांपासून बाजूला होते. त्याच्या मृत्यूची माहिती 14 वेळचा चॅम्पियन ट्रिपल एचने दिली. त्याच्या दुःखद निधनापूर्वी, अलीकडील अहवालात असा दावा करण्यात आला होता की ते रिंगमध्ये परतण्याच्या तयारीत होते.अशी अटकळ बांधली जात होती. पण त्याआधीच त्यांच्या मृत्यूच्या बातमीने कोट्यवधी डब्ल्यूडब्ल्यूई क्रीडाप्रेमींमध्ये शोककळा पसरली आहे. WWE चीफ कंटेंट ऑफिसर ट्रिपल एचने आपल्या ट्विटरवर ही माहिती दिली.
ट्रिपल एचने आपल्या ट्विटमध्ये लिहिले की, 'WWE हॉल ऑफ फेमर माईक रोटुंडा यांच्याशी नुकतेच बोललो, ज्यांनी सांगितले की आमच्या WWE कुटुंबातील एक सदस्य, विंडम रोटुंडा, ज्याला ब्रे वॅट असेही म्हणतात. गुरुवार 24 ऑगस्ट सकाळी त्यांचे निधन झाले. आमच्या संवेदना त्यांच्या कुटुंबासोबत आहेत.
वॅट दोन वेळा WWE युनिव्हर्सल चॅम्पियन आणि एक वेळचा WWE चॅम्पियन आहे. याशिवाय, त्याने एकदा मॅट हार्डीसह WWE रॉ टॅग टीम चॅम्पियनशिपचे विजेतेपद देखील जिंकले आहे. तर 2019 मध्ये वॅटची WWE रेसलर ऑफ द इयर म्हणून निवड झाली.
