BWF World Championships: लक्ष्य सेन, 'जायंट किलर' प्रणॉय कडून, सायना नेहवाल थायलंडच्या बुसानन ओंगबामरुंगफान कडून पराभूत

भारताच्या एचएस प्रणॉयने गुरुवारी जागतिक बॅडमिंटन चॅम्पियनशिपमध्ये मोठा अपसेट केला. त्याने पुरुष एकेरीच्या प्री-क्वार्टर फायनलमध्ये देशबांधव लक्ष्य सेनचा पराभव केला. दिग्गजांना पराभूत करून जायंट किलर म्हणून प्रसिद्ध झालेल्या प्रणॉयने राष्ट्रकुल स्पर्धेतील सुवर्णपदक विजेत्या लक्ष्याचा पराभव करत उपांत्यपूर्व फेरीत आपले स्थान निश्चित केले. त्याचवेळी अनुभवी सायना नेहवालचा महिला एकेरीत पराभव झाला.

लक्ष्य आणि प्रणॉय यांच्यात एक तास 15 मिनिटे चुरशीची लढत पाहायला मिळाली. लक्ष्यने सामन्याची सुरुवात शानदार केली. त्याने पहिला गेम 21-17 असा जिंकला. लक्ष्य हा सामना सहज जिंकेल असे वाटत होते, पण प्रणॉयने चांगली कामगिरी केली. त्यांनी दुसरा गेम 21-16 आणि तिसरा गेम 21-17 असा जिंकला. या वर्षातील दोघांमधील हा चौथा सामना होता. दोघांनी प्रत्येकी दोन सामने जिंकले आहेत. उपांत्यपूर्व फेरीत प्रणॉयचा सामना चीनच्या झाओ जुन पेंगशी होणार आहे.

महिला एकेरींबद्दल बोलायचे झाले तर ऑलिम्पिक कांस्यपदक विजेती सायना नेहवालला उपांत्यपूर्व फेरीत पराभवाला सामोरे जावे लागले. तिला थायलंडच्या बुसानन ओंगबामरुंगफानने तीन गेमच्या सामन्यात पराभूत केले. पहिला गेम 17-21 असा गमावल्यानंतर 32 वर्षीय सायनाने दुसऱ्या गेममध्ये 21-16 असा विजय मिळवला. मात्र, तिसऱ्या गेममध्ये तिला तिच्या कामगिरीची पुनरावृत्ती करता आली नाही आणि 13-21 असा पराभव पत्करावा लागला. अशा प्रकारे सायनाने 17-21, 21-16, 13-21 असा सामना गमावला