European Qualifiers: नॉर्वेचा पराभव करून स्पेनने युरो 2024 साठी जागा मिळवली

गवीच्या एकमेव गोलच्या जोरावर स्पेनने युरोपियन चॅम्पियनशिप क्वालिफायरमध्ये नॉर्वेचा 1-0 असा पराभव केला. स्पेनच्या संघाने संपूर्ण सामन्यात आपले वर्चस्व कायम राखले आणि एकतर्फी विजय मिळवला. स्पेन आणि स्कॉटलंड युरो 2024 साठी पात्र ठरले. पहिल्या हाफमध्ये दोन्ही संघांना एकही गोल करता आला नाही आणि हा हाफ गोलशून्य राहिला. स्पेनच्या संघाने उत्तरार्धात गोल करायला सुरुवात केली. गवीने 49व्या मिनिटाला बॉक्समधून गोल करत सामन्यात संघाचे खाते उघडले. 

यानंतर दोन्ही संघांना एकही गोल करता आला नाही आणि स्पेनने सामना जिंकला. तीन वेळचा युरोपियन चॅम्पियन स्पॅनिश संघ 2012 नंतर ही ट्रॉफी जिंकण्याचा प्रयत्न करेल. स्कॉटलंड सलग दुसऱ्यांदा युरोसाठी पात्र ठरला. त्याचवेळी, इतर लढतींमध्ये तुर्कीचा संघ लॅटव्हियाचा 4-0 असा पराभव करून प्रगती साधण्यात यशस्वी ठरला, तर क्रोएशियाला गट-ड मध्ये सलग दुसऱ्या पराभवाला सामोरे जावे लागले.

Edited by - Priya Dixit