भारतीय महिला कंपाऊंड तिरंदाजी संघाने विश्वचषक स्पर्धेत सुवर्णपदक जिंकले

भारतीय महिला कंपाउंड तिरंदाजी संघाने विश्वचषक स्पर्धेत अप्रतिम कामगिरी करत सुवर्णपदक जिंकले आहे. भारतीय तिरंदाज ज्योती सुरेखा वेन्नम, अदिती स्वामी आणि प्रनीत कौर यांच्या कंपाऊंड महिला संघाने या मोसमात आपली चमकदार कामगिरी सुरू ठेवली आणि विश्वचषक स्पर्धेत सुवर्णपदकांची हॅटट्रिक जिंकली.

भारतीय पुरुष कंपाऊंड तिरंदाज प्रियांशला पुरुषांच्या अंतिम फेरीत जागतिक क्रमवारीत अव्वल स्थानी असलेल्या माइक श्लोसरकडून पराभव पत्करावा लागला.प्रियांशला मात्र रौप्यपदकावर समाधान मानावे लागले. 

अव्वल मानांकित भारतीय महिला त्रिकुटाने एकतर्फी फायनलमध्ये एस्टोनियाच्या लिसेल जात्मा, मिरी मेरीटा पास आणि मारिस टेट्समन यांचा 232-229 असा पराभव केला. यासह, भारतीय महिला कंपाउंड तिरंदाजी संघ आता क्रमवारीत नंबर-1 बनला आहे. 

उदयोन्मुख कंपाऊंड तिरंदाज प्रियांश या मोसमात दुसऱ्यांदा नेदरलँड्सच्या श्लोसरला पराभूत करण्यात अपयशी ठरला आणि त्याला उपविजेतेपदावर समाधान मानावे लागले. त्याने चमकदार कामगिरी करत अंतिम फेरी गाठली ज्यात त्याने पहिल्या सेटमध्ये एक गुण गमावला परंतु त्यानंतर पुनरागमन करता आले नाही आणि श्लोसरने 149-148 असा विजय मिळवला. 

Edited by - Priya Dixit