टोकियो ऑलिम्पिकमध्ये सुवर्णपदक जिंकून देशाचे नाव लौकिक मिळवणाऱ्या नीरज चोप्राने पुन्हा एकदा आश्चर्यकारक कामगिरी केली आहे. त्याने जागतिक अॅथलेटिक्स चॅम्पियनशिपच्या अंतिम फेरीत धडक मारली आहे. यूजीन, यूएसए येथे सुरू असलेल्या स्पर्धेत नीरजने पहिल्याच प्रयत्नात 88.39 मीटर अंतर कापले आणि अंतिम फेरीत धडक मारली. नीरजशिवाय भारताच्या रोहित यादवनेही अंतिम फेरीत धडक मारली आहे. रोहितने 80.42 मीटर अंतर कापले. या स्पर्धेचा अंतिम सामना रविवारी होणार आहे. भारताच्या अन्नू राणीने महिला गटात याआधीच अंतिम फेरी गाठली आहे.
या स्पर्धेत 24 वर्षीय नीरज व्यतिरिक्त इतर 34 खेळाडू सहभागी झाले होते. सर्वांना दोन गटात ठेवण्यात आले. नीरज पहिल्या गटात तर रोहितला ब गटात ठेवण्यात आले. नीरज त्याने कारकिर्दीतील तिसरा सर्वोत्तम थ्रो करत अंतिम फेरीत धडक मारली. नीरज आणि रोहितसह एकूण 12 खेळाडूंनी भालाफेकच्या अंतिम फेरीत प्रवेश केला आहे. झेक प्रजासत्ताकच्या जेकब वडलेचनेही पहिल्याच प्रयत्नात 85.23 मीटर भालाफेक करून अंतिम फेरीत प्रवेश केला.
नीरज चोप्रासाठी हा सीझन चांगला गेला. भालाफेकीत त्याने दोनदा स्वतःचाच राष्ट्रीय विक्रम मोडला आहे. त्याने 14 जून रोजी फिनलंडमधील पावो नुर्मी गेम्समध्ये 89.30 मीटर अंतर कापले. यानंतर 30 जून रोजी स्टॉकहोम डायमंड लीग स्पर्धेत 89.94 मीटर अंतर फेकले. 90 मीटरचे अंतर गाठण्यापासून तो फक्त सहा सेंटीमीटर दूर होता.