World Squash: दीपिका पल्लीकलचे तीन वर्षांनंतर धमाकेदार पुनरागमन, दोन स्पर्धांमध्ये भारतासाठी सुवर्णपदक

दीपिका पल्लीकलने शनिवारी ग्लासगो येथे झालेल्या जागतिक दुहेरी स्क्वॅश चॅम्पियनशिपमध्ये थक्क केले. तिने जोश्ना चिनप्पासह महिला आणि सौरव घोषाल यांच्यासह मिश्र दुहेरीचे विजेतेपद पटकावले. द्वितीय मानांकित दीपिका पल्लीकल आणि सौरव घोषाल यांनी मिश्र दुहेरीच्या अंतिम फेरीत एड्रियन वॉलर आणि अॅलिसन वॉटर्स या इंग्लिश जोडीचा पराभव केला.

दीपिका पल्लीकल आणि सौरव घोषाल यांनी चौथ्या मानांकित एड्रियन वॉलर आणि अॅलिसन वॉटर्स या जोडीचा 11-6, 11-8 असा पराभव केला. दीपिका आणि सौरव ही जोडी दुहेरीत विजेतेपद पटकावणारी पहिली भारतीय जोडी आहे. यानंतर दीपिकाने जोश्ना चिनप्पासोबत महिला दुहेरीत प्रवेश केला. तिथे दोघांनी विजेतेपद पटकावले.

तिसऱ्या मानांकित जोश्ना चिनप्पा आणि दीपिका या भारतीय जोडीने दुसऱ्या मानांकित सारा-जेन पेरी आणि इंग्लंडच्या अ‍ॅलिसन वॉटर्स या जोडीचा 11-9, 4-11, 11-8 असा चुरशीच्या लढतीत पराभव केला.

दीपिका पल्लीकल तीन वर्षांच्या अंतरानंतर ग्लासगो मीटमध्ये आंतरराष्ट्रीय स्क्वॉशमध्ये परतली. भारतीय क्रिकेटर दिनेश कार्तिकसोबत लग्न करणारी दीपिका गेल्या वर्षी आई झाली.