राष्ट्रवादी काँग्रेसचे आमदार अण्णा बनसोडे यांनी मुख्यमंत्री एकनाथ शिंदे यांच्याबरोबर मंत्रालय ते ठाणे असा प्रवास केल्यामुळे राजकीय चर्चांना उधाण आले आहे. अण्णा बनसोडे हे पिंपरी मतदारसंघाचे आमदार आहेत.
एकीकडे चिंचवड पोटनिवडणुकीत महाराष्ट्र विकास आघाडी काय निर्णय घेणार याकडे सर्वांचे लक्ष असताना या नव्या घडामोडीमुळे राजकीय वातावरण आणखी तापले आहे.
अणा बनसोडे हे अजित पवार यांचे समर्थक मानले जातात. तसेच पुढील तिकीट दुसऱ्या व्यक्तीला दिले जाणार असल्याच्या चर्चेमुळे ते नाराज असल्याचं बोललं जात आहे असं सकाळने दिलेल्या बातमीत म्हटलं आहे. त्यामुळे बनसोडे आणि शिंदे यांच्या एकत्रित प्रवासाची सर्वत्र चर्चा होत आहे.
Published By -Smita Joshi